• وکالتنامه او حصر وراثت
  د غوښتنې طریقه
  په کاناډا کې استوګن افغانان کولای شي د وکالت خط د ترتیبولو لپاره په اوتاوا کښې د افغانستان سفارت ته مراجعه او غوښتنلیک وسپاري. د دې سفارت تر څنګ، کولای شي د وکالت خط په اړه خپل غوښتنلیکونه د تورنتو او ونکوور په ښارونو کې د افغانستان جنرال قونسلیو دفترونو ته هم وسپاري
  
  د وکالت خط او د وراثت د حصر د ترتیبولو غوښتنه د سفارت قونسلي څانګې ته د شخصي مراجعې له لارې او یا د پستې له لارې سرته رسیږي. د سفارت پته په لاندې ډول ده:
  Embassy of Afghanistan in Ottawa
  (Consular Section)
  240 Argyle Avenue
  Ottawa, ON K2P 1B9
  که غواړی د سفارت موقعیت به نقشه کښی وګوری، دا لینک کلیک کړئ.
  د سفارت قونسلي څانګه د لاندنیو وختونو په ترڅ کې پرانستې ده:
  له دوشنبې څخه تر جمعې پورې د سهار له لسو (۱۰) بجو د ماسپښین تر یوې (۱۲) بجې پورې او د ماسپښین له دوه (۲) بجو د مازدیګر تر څلور (۴) بجو پورې.
  د شنبې او یکشنبې په ورځو سفارت او د قونسلي چارو څانګه رخصت دي.
  مخامخ/حضوری مصاحبه او د وکالت خط او د وراثت د حصر لپاره اړین سندونه او اړتیاوې:
  سفارت ته له راتلو څخه مخکې د قونسلي څانګې سره د تیلفون له لارې اړیکه ونیسئ تر څو د راتګ او مخامخ/حضوری مصاحبی لپاره درته ځانګړی وخت وټاکل شي. هغه کسان چی د مصاحبې د وخت له اخیستلو څخه پرته سفارت ته مراجعه کوي، یوازې په هغه صورت کې لیدل کیږي چی د قونسلي څانګې مسئولین اضافي وخت ولري.
  سفارت ته د راتلو په وخت کې، خپل ټول اړین سندونو له ځانه سره راوړئ. د وراثت د حصر او وکالت خط غوښتونکی باید له ځان سره دوه بالغ نارینه کسان د شاهدانو په توګه راولي.
  دسفارت په قونسلي دفتر کې باید اقرارکوونکي او له شاهدانو سره به د قونسل لخوا مخامخ مصاحبه ترسره کیږي. د معمول سره سم د دې مصاحبې په پای کې وکالت خط یا د وراثت حصر فورمه صادریږي. په ځینې مواردو کښې د وکالت خط له غوښتونکو څخه هیله کیږي ترڅو په بله ټاکلې ورځ بیا سفارت ته تشریف راوړي او اړوند وکالت خط او یا د وراثت حصر فورمه لاسته راوړي. که مراجعین وغواړي، په هغه صورت کښې چې د دوی بیرته راتګ ته ضرورت نه وي، سفارت کولای شي د دوی وکالت خط یا د وراثت حصر فورمه او نور سندونه د پستې له لارې ورته واستوي، چې په هغه صورت کې بیا باید د راجسترشوي پست لګښت، د ټاکل شوي نورم سره سم، سفارت ته تحویل کړي. البته مراجعین کولای شي د راجسترشوي پست د بیعې پرځای، یو راجسترشوی پستي پاکټ چې خپل نوم او بشپړه پته/آدرس یې پرې لیکل شوی وي، سفارت ته وسپاري.
  
  

 د وکالتنامی او حصر وراثت لپاره لازم اسناد او ضروریات 

• د وکالتنامی غوښتونکی باید لاندی ا سناد او ضروریات وړاندی کړی: ـ
  • د وکالت خط غوښتونکی باید لاندني سندونه له ځان سره ولري
  د وکالت خط فورمه چی دواړه ورقې یې باید په بشپړه توګه ډکې او لاسلیک شي.
  دوه بالغ افغان الاصل نارینه د شاهدانو په توګه، هر شاهد باید له ځان سره دوه قطعې عکسونه او خپل د هویت سند او اوسنۍ پتې د تثبیت لپاره لازم سندونه له ځانه سره ولري.
   وکیل – هغه شخص چی وکالت خط یې په نوم صادریږی. چیرته چې خپله وکیل حاضر نه وي، د هویت د تثبیت اسناد یې او هم د وکیل کیدو په هکله یې کتبي موافقه باید راوړل شي.
   که وکالت خط د مځکې یا جایداد په اړه وي، د نوموړې مځکې یا جایداد اربعه حدود او نور اړین تفصیلات باید وړاندې شي. .
  د پورتنیو اسنادو څخه سربیره،
  • د وکالت خط غوښتونکي باید لاندني اړین اسناد سندونه وړاندې کړي:
   دوه قطعې( 1 په 1 انچ) نوي عکسونه چې یو بل ته سره ورته وي او له مخامخ زاویې څخه اخیستل شوي وي تر څو د شخص دواړه غوږونه په واضح ډول ولیدل شي.
   د هویت د تثبیت لپاره د په اصلي بڼه، د یو معتبر سند وړاندې کول.
  • په کاناډا کې د استوګنې/اقامت حقوقي سند ، لکه د لندد سند، د تلپاتې/دائمي استوګنې/اقامت کارت او د تابعیت تذکره.
   د اوسنۍ پتې د تثبیت کره/موثق اسناد، لکه د موټر چلولو لایسنس، د برق بل، او داسې نور.
  
  
  نوت: دوکالتنامی او حصر وراثت غوښتونکی کولای شی چی خپل غوښتون لیکونه دپوستی له لاری راولیژی 
  
  

د وکالتنامی او حصر وراثت محصول او پوستی مصارف