د جرمي مسئوولیت د نه لرلو سند


د غوښتنی عمومی شرایط

• په اوتاوا کې د افغانستان سفارت د جرمې مسئوولیت د نه لرلو د سند یا د پولیسو د تصدیق غوښتنې له هغو افغانانو چې د کاناډا په هیواد کې استوګن دي، او د هغو افغان او یا غیر افغان اتباعو په اړه چې د غوښتنې په وخت کې او یا پخوا یی په افغانستان کې ژوند کړی وي، مني.
د جرمی مسئوولیت د نه لرلو سند، په افغانستان کې د ملی پولیسو لخوا، د هغو معلوماتو پر بڼسټ چې غوښتونکی یې مونږ ته وړاندې کوي، صادریږی.
• د جرمي مسئوولیت د نه لرلو سند صدور معمولاً یوه میاشت وخت نیسي.
متقاضیان کولای شي خپلې غوښتنې د پست له لارې او یا هم د سفارت قونسلي څانګې ته د شخصي مراجعې له لارې، وړاندې کړي.
• پستي غوښتنې باید د غوښتونکي او هم د هغه چا چې د جرمي مسئوولیت د نه لرلو سند یې غوښتل کیږي، د هویت د تثبیت لپاره، معتبر اسناد (چی تفصیل یې لاندې ورکړل شوی) له ځانه سره ولري.


د جرمی مسوولیت د نلرو د تصدیق لپاره لازم اسناد او نور ضروریات


  • • د جرمی مسئوولیت د نه لرلو د سند غوښتنلیک (فورمه) باید په بشپړه توګه ډکه او لاسلیک شي.
    په کاناډا کې د استوګنې/اقامت حقوقي سندونه، لکه د لندد سند، د تلپاتې(دائمي) استوګنې کارت او د تابعیت سند (تذکره) د هغه سند یوه کاپي چې د غوښتونکي اړیکه له هغه چا سره چی سند یې په اړه غوښتل کیږي، وښايي، د مثال په توګه نکاح خط، او داسې نور.
    • د هغه شخص چی د جرمي مسئوولیت د نه لرلو د سند غوښتنه یې کیږي، د تابعیت د تذکرې یوه روښانه کاپي.
    د غوښتونکي د اوسنۍ پتې د تثبیت لپاره کره/موثق اسناد، لکه د موټر چلولو لایسنس، د برق بل، او داسې نور.
    • د جرمي مسئوولیت د نه لرلو د سند محصول چې باید د ټاکل شوي نورم سره سم تحویل شي.
    • که خپله شخص مراجعه کوي یو قطعه عکس او که د بل چا لپاره مراجعه کوي د هغه شخص یوه قطعه عکس.


:د جرمی مسوولیت د نلرو د سند محصول او پوستی مصارف

*ټول محصول په امریکایی ډالرو اخستل کیږی

غوښتنه

  • د جرمی مسوولیت د نلرو سند
  • عاجل خدمات
  • د راجستری پوستی مصرف

محصول

  • ـ 55 امریکایی ډالره
  • ـ 23 امریکایی ډالره
  • ـ 16 امریکایی ډالره


• د جرمی مسئوولیت د نه لرلو د سند محصول او نور ټول قنسولي لګښتونه یوازې په امریکایي ډالرو اخیستل کیږي نور اسعار د منلو ندي.
• د جرمي مسئوولیت د نه لرلو د سند محصول او نور ټول قنسولي لګښتونه باید یوازې د سفارت بانکي حساب ته تحویل شي، نقدی پیسې، شخصي چک او د بانک له لارې د پیسو لیږدول د منلو ندي.
• د پاسپورت محصول باید یوازې دسفارت په بانکي حساب، او دپست لګښتونه یې باید د سفارت په پستي بانکي حساب کې تحویل او تعرفه یې د بانک له مهر سره یوځای قونسلې څانگې ته وسپارل شي.
• د تصدیق د محصول رسید باید له خپل غوښتنلیک سره یو ځای د قونسلي څانګې ته وسپارل شي.
د سفارت پته او کاري وختونه
د سفارت د قونسلي څانګه د لاندنیو وختونو په موده کې پرانیستې ده
له دوشنبې څخه تر جمعې پورې د سهار له لسو (۱۰) بجو د ماسپښین تر یوې (۱۲) بجې پورې او د ماسپښین له دوه (۲) بجو د مازدیګر تر څلور (۴) بجو پورې.
د شنبې او یکشنبې په ورځو سفارت او د قونسلي چارو څانګه رخصت دي.
پستي غوښتنلیکونه باید د راجسترشوي پست له لارې د سفارت په پته چې په لاندې ډول ده، راواستول شي.
Consular Section
Embassy of Afghanistan, Ottawa
240 Argyle Avenue
Ottawa , ON K2P 1B9
 که غواړی د سفارت موقعیت به نقشه کښی وګوری، دا لینک کلیک کړئ.
سفارت د هغو غوښتنلیکونو د ورکیدو مسئوولیت په غاړه نه اخلي چې د نه راجستر شوي پست له لارې رالېږل شوي وي،
ټولې غوښتنلیکونه د نوبت په بنسټ لیدل او اجرآ کیږي. هغه غوښتنلیکونه چې معلومات یې نیمګړي او یا اړین اسناد له ځان سره ونلري، د اجرآ وړ ندي.
ټول هغه اصلي سندونه چې له غوښتنلیک سره یو ځای وړاندې کیږي، د اجراآتو د بشپړیدو وروسته له تصدیق سره یوځای بیرته متقاضي شخص ته سپارل کیږي.

 

 

د غوښتنلیک لپاره چمتو اوسئ؟

که پورتنی معلومات مو لوستلی وی او اوس د غوښتنلیک ډکولو ته تیاریاست، کولای شی اړوندی فورمی له لاندی رابطو څخه لاس ته راوړی: ـ

 فورمه

ډاونلوډ

د لیدنې لپاره وقت نیول

اوس یې پلان کړه